هل تعتقد أن الصمود يمكن أن يحمي الفضاء المدني في تونس في ظلّ السياق الحالي؟
سؤال مهم، أما يلزمنا نكونوا واقعيين شوية الصمود وحده ما يكفيش لكنه شرط أساسي ايه نعم، الصمود ينجم يحمي الفضاء المدني جزئيا ، بمعنى إنو يمنع انهياره الكامل كي الناس تواصل، حتى في الحد الأدنى (تنظم، تحكي، توثّق، تخلق مساحات صغيرة) هذا يحافظ على (النفس ) الفضاء المدني حي، وما يخليهش يختفي
أما في نفس الوقت، الصمود إذا كان مجرد تحمل وصبر فقط، ينجم يتحول لاستنزاف
نوليوا نقاوموا بلا أفق، وبلا أدوات جديدة، وبلا تأثير فعلي ، وهنا يولي الصمود وحده غير كاف.
في السياق الحالي في تونس، الحماية الحقيقية للفضاء المدني تحتاج أكثر من الصمود ،تحتاج تنويع في طرق العمل (موش كان نفس الآليات القديمة)، تحتاج شبكات تضامن أقوى بين الفاعلين ،تحتاج حماية للنشطاء (نفسية، قانونية، رقمية) وتحتاج زادة خيال سياسي جديد كيفاش نخلقوا مساحات تعبير وتنظيم حتى في ظروف صعيبة
الصمود مهم 
لأنه يمنع الفراغ أما الاستمرارية الفعالة تجي كي يتحول الصمود إلى تنظيم، وتكيّف، وقدرة على الابتكار ،بمعنى آخر الصمود يحمي الفضاء المدني من الانطفاء أما باش يزدهر من جديد، يلزمنا أكثر من مجرد الصمود